今屆候選港姐質素令人嘆息，網民索性將焦點放在「女版許愿」(2)林潔瑜身上，為港姐歷史寫下騎呢一頁。《2009香港小姐競選決賽》今晚假紅館舉行，十位佳麗昨日穿上泳衣作總綵排，一直被睇好的(5)馬詠恩竟離奇跌Watt，反而被視為陪跑的「鬚根舒淇」(8)熊穎詩卻「升呢」，與(4)劉倩婷及(10)李姿敏同被列為三甲大熱；而在網上人氣Hit爆的林潔瑜，依然難逃冷門宿命，與「是非空姐」(1)曾曦寧及(7)鍾溥敏等同被列為陪跑一族。

由於林潔瑜知名度近日冠絕同屆港姐，所以她依然自信爆棚：「心情幾緊張，練咗咁耐對自己有信心。（有信心入三甲？）可唔可以唔答……我都想入三甲嘅！不過呢排唔夠瞓又有壓力，皮膚差咗少少。」談到備受網民熱捧，她坦言未有留意報道。至於被網民惡搞及捧為女神，她尷尬地說：「太客氣喇！」雖然曾因自封「嘴靚」而被取笑，不過她依然堅稱最滿意雙唇。

「豬」唇與舒淇有得揮的熊穎詩，初時有「鬚根舒淇」之稱，經過改造後，已甩鬚變靚！	變身前	熊穎詩

志偉嘲「好出眾」

至於一枝獨秀的熊穎詩，除了清減不少外，儀容及自信亦有進步，加上有前港姐李珊珊、胡杏兒及陳倩揚等力撐，終翻身成大熱，她亦自覺進步神速：「我覺得自己成個人靚咗，因為TVB一直幫我改善形象，令我學識好多嘢，依家成個人有內涵咗。」縱然被一致看好，但她卻不如林潔瑜般信心十足：「最緊要做好自己，我有信心。」

(1)曾曦寧 年齡：23歲 三圍：33、23.5、34	(3)鄭寶源 年齡：21歲 三圍：34.5、24.5、34.5	(1)至(10)佳麗（左起）昨日穿上三點式綵排，備戰今晚的比賽。

未知是否因候選港姐質素欠佳，司儀曾志偉竟笑言暫時未有心水，不過他對林潔瑜似乎不敢恭維，更明讚暗踩說：「佢自己都講入圍當贏咗，我都覺得係！佢好出眾、好出位，有佢喺度今年多咗好多話題。」對於鄧麗欣（Stephy）確診豬流感（H1N1甲型流感），他認為不用大驚小怪，問到與Stephy有否近距離接觸？他搞笑說：「打過茄輪啫！」其後才正式說：「冇呀！小方（方力申）同佢企咁埋都未驚啦！如果小方中招，我都應該中，前日先同佢同機嚟，但我都覺得Stephy應該戴番個口罩嘅。」