唱作歌手柯有綸（Alan）喜歡與三五知己到錄音室傾音樂、傾生活，要是他突然有靈感就可以立即記低，他坦言近期忙於宣傳，較少到卡拉OK唱歌，問到有何心水熱唱的K歌，Alan想也沒想就說：「周杰倫嘅《說好的幸福呢》真係超好聽，好耐冇咁鍾意佢嘅歌！」私底下與周杰倫老友鬼鬼的他，坦言聽過對方每張唱片，近期最喜歡的就是這首歌：「我覺得佢喺首歌度講緊啲嘢！」
周董的歌出名難唱，但Alan卻指《說》曲的難度不高：「都唔算難唱，我去卡拉OK都會唱呢首歌！」身為唱作人，對歌曲旋律及歌詞亦特別留意，Alan大讚《說》曲的歌詞填得很好，因為他的創作亦傾向平實的風格：「好似方文山嘅詞，畀人感覺好似一件藝術品，意境好深好遠，但我就唔識填呢啲，我鍾意真實故事，好似《說好的幸福呢》感覺很Down To Earth，真係好好聽！」
