與杜琪峯合作無間的林雪，在阿杜執導的港產西片《復仇》中卻老貓燒鬚，在英語對白方面未能掌握，阿杜說：「佢拍攝之前已經好勤力，不停背熟劇本，但讀出嚟效果都未如理想，到我哋叫佢入錄音室再配音時都係唔係咁有神髓，最後搵咗外國長大嘅陳子聰為佢配音，陳子聰講啲英文好靚。」
問到另一演員黃秋生有否遇到同樣問題，阿杜指秋生英語沒有問題，但林家棟則在發音方面出現困難，最後亦找來同樣在外國長大的尹子維為他配音，阿杜說：「最意外係佢把聲好似林家棟。」戲中阿杜首次與有「法國貓王」之稱的Johnny Hallyday合作，他坦言事前不知對方是誰，合作後才知他相當出名，阿杜說：「去過康城出席首映先知佢有幾紅，人哋全年不停巡迴演唱㗎！佢開頭喺香港拍戲都唔慣，所以我每日都係開工八小時。佢好有個人修養，冇架子又隨和。」