陳美詩（Macy）加入TVB後拍了多個劇集，包括《與敵同行》、《王老虎搶親》及《古靈精探B》等，不過大家對她較有深刻印象的，還是她曾組成女子組合「女生宿舍」。談到不少無綫女藝人推出唱片向樂壇進發，問她有否希望再闖樂壇時，Macy說：「其實我對唱歌仲好有興趣，不過呢啲嘢隨遇而安啦！我成日覺得唱歌最好玩係可以跳舞，雖然我唔係好叻，但係呢個係一個好好嘅表演形式，都想繼續學吓。」

陳美詩染了淺色頭髮，被好友取笑她扮o挸模。	女生宿舍成員Bella（左起）、Toby、Elise和Macy，當年出席首個簽名會。 資料圖片	陳美詩入行多年，兩年前加入無綫成為一分子，曾參與不少劇集演出。

自我增值

對於現時的工作，Macy坦言很滿意：「其實依家同以前一樣過得咁充實，舊年我都做過四個舞台劇，而且好多場合都會有唱歌表演，基本上做嘅嘢差唔多，入行幾年，好多嘢都試過。」

不過，Macy深知娛樂圈競爭大，為求增進演技，她不時獨自看電影：「我一有時間都會狂睇戲，買咗張戲院VIP卡，幾時去睇都得，希望吸取每個地方演員嘅演繹方法。」談到競爭激烈，o靚模充斥娛樂圈，Macy笑說：「所以咪染淺色頭髮囉！啲人都話我扮o靚模，我覺得佢哋一定有佢哋嘅巿場價值。（覺唔覺得佢哋行為、言行過火？）呢啲睇個人啦！美少女有身材、有樣貌，若然工作有需要，我覺得冇所謂。」

文：影視組

攝：馬永堅