樂壇新人王鄧紫棋（G.E.M.）日前參與《小熊貓創意環保小玩意設計大激鬥》活動，齊為國寶級動物小熊貓設計小玩意，藉着小朋友的創意宣揚環保訊息外，也希望令兒童明白到環保的重要性。
G.E.M.和小朋友大玩環保遊戲之餘，也和大家分享環保心得，她說：「喺未實施徵收膠袋稅前，我已經自備環保袋，因為貪環保袋個款靚，可以襯衫外，最緊要係比膠袋耐用。」
她又愛帶手巾及水壺出街，因為手巾可以循環再用，不似紙巾只可用一次，而水壺也可以盛載她喜愛的飲品：「媽咪知我辛苦，都會煲愛心湯水畀我，變相我隨時可以帶住媽咪嘅愛心喺身邊。」
