小天后泳兒剛推出全新唱片《多一點》，今次風格會以抒情歌作主打，跳舞曲目相對較少，問到是否以靚聲冧死仔？泳兒笑說：「哈哈！希望佢哋會借我啲歌嚟冧女啦！」

泳兒坦言做歌手只是表面風光，故努力儲錢方為上策。

泳兒最近忙於拍攝電影，已很久沒有放假。

不知不覺，泳兒加入樂壇已四年，成績穩步上揚，除歌唱事業外，她的有料身材，亦成為一時熱話，泳兒曾在音樂會以性感打扮「露兩手」，才發現她的身材是「禾稈冚珍珠」，惟她表示全新專輯會以密實多布為主，豈非暴殄天物？她笑說：「今次密實啲，多啲布，嚟個反高潮。（撼o靚模？）冇諗過喎！其實我唔係太適合性感，偶然出騷着少啲布，反而多啲驚喜。」

冇時間充電

除專注唱片宣傳外，泳兒最近亦忙拍攝電影《死神傻了》，她表示已很久沒有放假：「本來想攞假去泰國旅行，但撞正出新碟，所以又去唔成。」問到今年是否賺了很多錢？她說：「又唔係喎！賺咗都要支出，有時做歌手係表面風光咋！所以我努力儲錢。（投資？）冇啊！我係穩陣派，只係儲錢。」