育有九歲女兒麥淳琳與六歲兒子麥振瑋的麥長青，對子女教育相當注視，他表示親子關係在小朋友成長過程中很重要，故帶他們到商場舉辦的《麥兜响噹噹》武林大會共享天倫。他表示女兒較成熟，對中國歷史科目深感興趣，故在復活節假期一家人到北京旅行暢遊長城等名勝：「個女話想出本書，介紹香港名勝，依家我成日車佢四圍去影相，配合佢嘅文字出本書，佢就嚟生日，希望趕得切成為佢嘅生日禮物。」
問到女兒是否娛樂圈材料，他笑言女兒沒興趣，反而兒子很有表演欲：「佢睇香港先生比賽學人做評判批評人哋，又學啲參賽者擺姿勢，後尾仲做Sit Up話要練大隻。其實佢有啲小聰明，有時聽到我鍾意的音樂，竟然用琴彈番出嚟。」
