身為跳舞組合BRO5成員的新人何浩文（Dominic），首次演出無綫電視電影《南華夢飛翔》便擔正做男主角，更夥拍青春可人的DaDa做情侶，實在令人羨慕。問到對DaDa的感覺，Dominic竟表示不敢與對方交談：「我覺得佢太靚女，所以唔係太敢同佢傾偈，怕尷尬。反而DaDa好男仔頭，成日同我鬥講爛Gag，仲要爛過我，所以都幾好玩。」除女拍檔夠省鏡外，Domimic笑言這次拍劇還有很多難忘的地方：「當我知道可以同羅比堅尼踢波嗰陣，我真係好亢奮，直情開心到唔識得用言語形容，想喺大球場連跑幾個圈嚟洩『奮』。」
演戲方面仍是新丁的Dominic坦言拍劇時遇上不少烏龍事，經常走錯位慘吃NG，不過這些都不及當中遇到的辛酸令他感到怕怕：「有次我唔小心整親腳，醫生話我啲筋骨拉傷咗，但因為趕戲，都要繼續頂硬上拍落去，仲要拍踢波戲添！我真係估唔到會咁辛苦。」
