本文重點
將有機會圓歌手夢舉行處女演唱會的鄭融承認，公司曾向她提及有關事情，她表示已做足準備隨時開騷，更明白機會得來不易，故會好好珍惜及把握。
鄭融（Stephanie）日前推出首張新曲加精選專輯《鄭．融精選》，出道已有六年的她說：「碟名係我諗嘅，揀歌我都有參與，其實一直都儲咗好多歌，亦好想出精選，終於等到六年後嘅今日。」由於大部分歌曲都是男友莊冬昕監製，問到會否特別揀選對方的傑作？她說：「唔多唔少都有佢啲傑作。」
不介意公開戀情
問到有否打算舉行演唱會？Stephanie坦言公司有提及過：「傾過，我嘅心態已經準備好，亦開始做運動練氣，有機會一定好好把握。」半公開男友身份的Stephanie大讚莊冬昕好仔：「佢EQ好高，唔係一個壞人，大家都啱嘴形，音樂上佢幫咗我好多。」
問到公開戀情是否勝於地下情？Stephanie說：「一直都唔介意公開戀情，唔係唔想畀人知，只係想公開時已經畀人亂寫，公開係絕對冇壞，仲方便啲添！唔需要避忌。」Stephanie坦言不是戀愛大過天：「可能我處理得唔係太好，唔想感情影響工作，當做嘢就會好有衝勁。」