身為Hello Kitty超級Fans的Rain，自爆小學期間曾為「偶像」做盡傻事，她說：「睇中咗一支大頭原子筆，當時成幾十蚊支，辛辛苦苦儲錢買咗返嚟，轉頭就畀人偷咗，再買過，自己又唔小心唔見咗……來來回回幾次，搞到自己好灰！終於決定放棄唔再買！」Rain坦言當時要慳飲慳食才能購得心頭好，刻下回想起來亦覺得敗家！

Kitty媽媽拿着蛋糕出場，引得Rain大叫。	Rain一見愛貓即變身大細路，拿着相機不停拍照。	坐在Kitty牙醫椅上，Rain一臉驚恐。

割愛贈貧童

Rain自言隨着年紀漸大，理智亦日漸回復，不過這天當她應邀到「愛貓」的展覽場館內參觀，體內頑皮的基因亦迅即甦醒，見她不停拿着相機左拍右拍，狀甚興奮。問到可有夢想擁有一間屬於自己的「貓屋」，她說：「以前真係有諗過，不過依家發覺唔係咁實際，呢啲嘢虛幻嚟啫，屋企最多放個Kitty焗爐咪算囉！（男友成日送Kitty禮物？）依家唔想收嘞！反而以前讀書有男仔不停送呢啲嘢追我，我拒絕過佢，但佢硬要我收，最終當然都冇打動到我啦！」早前Rain更將家中大大小小的毛公仔，捐給慈善機構，轉贈有需要的小朋友，且深感做法意義重大呢！