黃宇詩談到由《仙》劇電影版粉絲，變成劇中女主角Maria，她雀躍地說：「我細個已經好鍾意睇《仙樂飄飄處處聞》，睇咗好多次，不過每次都係未睇到結局，就要上床瞓覺，好似一個永不完結嘅故事咁！」

電影《仙樂飄飄處處聞》可說家傳戶曉。

黃宇詩與陳啟泰無懼觀眾將他們拿來與《仙》片電影版演員比較。

讚勤力又投入

對於飾演Maria一角，黃宇詩說：「雖然電影版嘅女主角Julie Andrews（茱莉安德絲）好成功，但我會以自己嘅方法去演，因為只因循前人嘅演法，係注定失敗！唱歌方面要再下苦功，依家已經跟老師學緊歌唱用氣嘅技巧，有信心唔會令觀眾失望。」

陳啟泰亦大讚拍檔黃宇詩的勤力與投入，他說：「宇詩個角色好難演，佢做到OK已經好厲害！每個演員嘅特質都唔同，唔會有兩個演員係一樣嘅！」

至於陳啟泰要與黃宇詩在劇中談情，更直認有Feel：「我今次都學到嘢，呢次要拋開以往登台唱Pop嘅方式，老師叫我同阿詩談情，要用心去Feel，要唱出感情，唔好畀個戲限死，我覺得真係Work。呢個劇係演員夢寐以求嘅演出機會，我要多謝亞視、有線同焦媛，因為上次焦媛上有線《神探CSI》做嘉賓，我哋傾開偈話『有機會合作』，估唔到後來佢就將我介紹畀高志森，好多謝佢。」