本文重點
自從女星江若琳（Elanne）表示曾遭男藝人熱烈追求後，即惹來極大回響，想不到就連Elanne的Fans亦對此大感興趣，早前與Elanne BBQ聚會時，被Fans大逼供，要Elanne公開「幸運王子」的身份，令Elanne啼笑皆非。
江若琳（Elanne）早前由於忙於拍劇及拍戲，已有半年時間沒有與Fans聚會。為了一解Fans相思之苦，Elanne早前為新書舉行完簽名會後，即與逾百名Fans出發到屯門BBQ敍舊。
Fans查根問柢
席間Elanne除了衝上Fans乘坐的旅遊巴，擔任導遊與Fans唱歌兼玩遊戲外，還於BBQ現場大派禮物，送出簽名海報及簽名Cap帽給Fans珍藏留念，令Fans滿載而歸。雖然對Fans如此無微不至，不過Fans卻竟以大逼供「回饋」，令Elanne啼笑皆非：「我本來諗住輪流同佢哋傾吓偈，講吓近況就算，點知個個都猛咁問我書入面講嗰個幸運王子係邊個，搞到我唔知點算好，惟有佢哋一問起就火速走人，好搞笑。」
雖然慘遭Fans大整蠱，不過Elanne還是覺得這次聚會十分難忘：「最開心都係扮導遊嗰Part，見到Fans啲反應咁熱烈，好有成功感。其實細細個我已經想做導遊，而且同啲Fans喺旅遊巴度一齊玩，感覺好似返番小學旅行時一樣咁開心呀。仲有仲有，估唔到啲Fans個個都爭住燒啲好嘢畀我食，但可惜我依家要減肥，所以淨係揀咗海鮮同啲菜嚟食，希望啲Fans唔好介意。」