34E廚房妹鍾蕙芝（Lavina），甫出道便以身材取勝，搏到盡的她不介意力騷真材實料，但講到身體最滿意的部分，Lavina卻棄胸選纖腰。
擁有34E豐滿身材的Lavina成功上位，深知自己賣點所在的她從不吝嗇一展過人之處，不時在Blog內張貼噴血照片，問到是否滿意身形，Lavina說：「都OK，最近多咗好多人讚我身材好，令我信心大咗，但都仲要Keep，因為依家好多Model都好瘦，睇怕我都要做多啲Gym，瘦啲着比堅尼都會好睇啲。」至於讓大家看到眼甘甘的34E上圍，Lavina並非特別自豪，她說：「我最滿意自己嘅部位係條腰，條腰夠幼！至於上圍，我諗係遺傳自媽咪，加上發育期飲木瓜奶啩！」
揀衫被局限
Lavina坦言豐滿的身材為她帶來不少煩惱：「同一件衫，有啲人着上身會好型，而我着咗就好誇，兼好似好肥，有時件衫唔係好性感，只係低胸少少就已經好似露咗好多，搞到好多人望，都幾尷尬，同埋胸大嘅人買衫好煩，鬆身衫同多層次嘅全部都唔啱，仲有就係做運動嘅時候會好唔方便。」
胸大=冇腦？
34E廚房妹Lavina胸前偉大，入行後不介意性感騷胸，坦言有美麗的一面不怕展示，但最討厭被評為「胸大冇腦」：「啲人成日話胸大冇腦，都冇根據嘅，好似狄娜就係一個好例子。我就係證明畀大家知，胸同腦係兩
樣嘢！」
Profile
姓名：Lavina（鍾蕙芝）
年齡：22歲
身高：166cm
三圍：34E、25、36
體重：53kg