近日方大同港台兩邊飛，既要宣傳新碟又要準備月底舉行的演唱會，問到新碟名字《Timeless可啦思刻》由來？他說：「呢個係爛Gag，其實係Classical（經典）的意思，可以思念嘅時刻咁解。」提到緋聞女友薛凱琪被拍到與TB友人慶祝生日，他說：「我覺得係炒作新聞，都慣咗㗎啦！（薛凱琪係唔係同性戀？）佢係鍾意男仔嘅。（咁清楚？）我哋係朋友嚟㗎嘛！都清楚嘅！（佢同房祖名散咗？）佢哋有一齊過咩？」問到會否和薛凱琪補祝生日？他說：「應該唔會啦！呢排都忙緊準備演唱會，抽唔到時間。（演唱會請佢做嘉賓？）想自己一個人唱到尾，所以唔會有嘉賓。」