阿Sa自單飛後人氣急升，獲不少廣告商爭相邀任代言人，其青春活力深受化妝品牌MAYBELLINE垂青，近日成功擔任形象大使，拍攝全新廣告。她以三個不同造型上陣，其中她穿單膊背心在鏡頭前擺出不同甫士，連導演都不禁大讚！塗上睫毛液的阿Sa雙眼更見精神，發放1,000Watt電力，拍攝短短6小時，已電暈一眾工作人員。

賣口乖冧廣告商

貪靚的阿Sa坦言是廣告商的超級Fans：「我有好多佢哋嘅產品，尤其睫毛液，好好用。」她亦十分注重眼部化妝：「好鍾意將眼睫毛夾到捲起，雙眼會顯得特別有神，成個人睇起嚟更有活力。」此外，阿Sa不時與朋友分享化妝心得：「每個女仔都鍾意化妝扮靚，我好大方㗎！希望每個人可以變得更靚！平日同朋友研究化妝潮流，最鍾意留意時尚型格妝容。」