韓國男子組合U-Kiss前晚由台灣飛抵本港，稍作休息後，晚上即往中環一間餐廳食飯，品嘗點心，吸引大批歌迷包客貨車追蹤。對於歌迷在機場引起大混亂，成員金慶載又被女歌迷摸腰，操流利廣東話的亞歷山大說：「我哋冇乜問題，只係經理人甩鞋，同埋Kevin拎住嘅奶昔倒瀉晒。我哋唔係好驚，只係擔心歌迷受傷！」金起範則感激在門外等候的歌迷：「多謝佢哋送禮物，其實佢哋等唔等都冇所謂，最緊要唔好餓壞個肚。」

亞歷山大（左）與申東浩食唔停口，非常開心！

大批歌迷包車追蹤，令U-Kiss寸步難移。

自誇國際化

韓國有不少同類型組合如Super Junior及SS501等，問到U-Kiss如何突圍？Kevin說：「我哋比較年輕同國際化，而且音樂風格同舞蹈都同之前嘅偶像組合好唔同。」他們將於明日及後日演出《Summer Pop音樂會》，希望多品嘗地道美食。