寫真集賣2萬本的羅凱珊（Kama），前晚宴請公司同事吃飯慶祝，她表示不會推出更激的寫真集：「今次係我底線。（周秀娜出攬枕？）唔需要特登見招拆招。（何超儀踩o靚模Cheap？）香港有言論自由，每人有權發表意見；同佢合作過，佢好友善，提點我小心走光。（佢話o靚模經常唔着衫？）唔需要下下賣弄身材，工作有需要就OK，成日攞呢個做主題就唔係咁恰當。（暗示周秀娜？）唔係，我哋係好朋友，唔係敵人。（比較？）唔會，大家路線唔同，佢行性感，我係青春加型格。」
對於周秀娜樂做男人的性幻想對象，Kama抗拒地表示不想：「如果有人走埋嚟咁講我會好驚。（有o靚模援交？）唔想咁多負面新聞影響我哋聲譽。」
