昨日周麗淇（Niki）以代言人身份出席東海堂月餅活動，試造兔仔冰皮月餅及扮兔仔，童心未泯！問到中秋佳節會否寂寞度過？單身的Niki說：「我有好多朋友同屋企人陪我，梗係唔會孤伶伶。（男朋友？）人生唔係淨係得呢樣嘢㗎嘛！我有廣告拍不知幾幸福。」她表示擔任代言人酬勞非常滿意，不過數最受惠的反而是周媽媽，皆因廣告商豪爽勁送月餅給Niki。
至於被指在崔建邦主持的節目內數落前緋聞男友鄭嘉穎，Niki只說：「呢啲新聞炒完又炒，算罷啦！成個節目都冇提過佢。」她直言對於有關她與嘉穎之間的報道感煩厭：「所以堅持唔講，求吓大家唔好再講，都咁耐啦！大家過中秋開開心心！」
