麥玲玲被指是徐淑敏和Kenny的媒人，她昨日直認不諱：「係呀！尋晚請咗我去四季酒店食謝媒飯，佢哋十指緊扣好恩愛。」她透露Kenny一直暗戀對方：「Kenny鍾意Suki樣子甜美，一年前我專登搵Suki去佢餐廳做訪問，當時兩個人未交換電話，至兩個月前佢哋撞番，Kenny仲打畀我話Suki唔認得佢，叫我同佢講聲，之後佢哋先開始拍拖，估唔到依家仲有咗一個月。」
麥玲玲還大讚二人十分匹配：「兩個都屬老鼠，大一個Round，好夾！」對於Kenny被指好花心，玲玲替他講好話，她說：「我識咗佢年幾，未正式見佢拍過拖，但佢以前啲女朋友都靚嘅。」
