武師出身嘅郭政鴻，堂堂一個男子漢，估唔到扮乸型有一手，年前佢喺《野蠻奶奶大戰戈師奶》嘅乸型設計師已經深入民心，今次喺《五味人生》再玩多次，而且仲係徹徹底底咁樣「乸」，因為佢嘅角色係一個太監。
嗰日小小So去探班，發覺鴻仔就算唔係埋位拍緊戲，佢嘅動靜都好「乸型」，直頭係上咗身咁，鴻仔話其實上次拍《野蠻奶奶》時已經係咁，同朋友食飯揸筷子都會不自覺蘭花手，行路仲要夾住腳邊行邊扭籮，都要過咗好一排至搣得甩呢啲習慣。
鴻 仔：今次套劇仲厲害，因為角色本身係太監，內心更加會Cam Cam哋。
小小So：緋聞女友滕麗名有冇話你做乜咁女人？
鴻 仔：好多朋友包括佢同我食飯時，都有話我成個女人咁。
小小So：係咪阿滕仲Man過你？
鴻 仔：佢係男人嚟(口架)！
雖然剛柔互掉，但佢哋一樣咁襯！