筱靖因口齒伶俐而獲亞視垂青，簽為旗下藝員，並培訓她做主持。不過，有關她的報道都以「性感」或「博上位」起題，但她未感介意，更直認博宣傳：「想人哋知道自己嘅存在同價值就一定要搏，無論批評定讚賞都係關注，呢種就係我字典入面嘅『博上位』！」她認為其名字是一個障礙：「個『筱』（音紹）字好多人唔識讀，有人叫我『攸靜』、『哨靜』，又有人叫我『條青』，有啲仲乾脆唔叫我！最記得有次去有線出席活動，啲主持連介紹我上台都唔講，只示意我跟喺張家瑩後面。」

筱靖立志做個出色的演員及主持，爭一口氣。

放大圖片

慘遭趕落車

談及年多的藝人生涯，滿腹怨氣的筱靖不吐不快：「入行後成日同Grace（張家瑩）合作，但佢係亞姐冠軍，而我只係落選亞姐，待遇有天壤之別！有時出席舞台較細嘅活動，有啲藝人會閃去我前面，仲轉身話『喂！唔該你行開啦！』」除了藝人，連工作人員亦要她受氣，有次她以主持身份在內地出席亞姐啟動儀式，其後隨Grace、吳芳及孫晨上車，怎料保母以極不友善語氣叫她落車，並強調該車只接載亞姐：「當時真係好唔開心，眼淚不停咁流，心諗點解會咁？不過我冇怪任何人，只怨自己比賽時冇努力啲。」種種不愉快經歷成為筱靖的原動力，令她立志做一個有價值的主持及演員。

克服困難捱出頭

筱靖參選亞姐至今近兩年，但正式簽約亞視則只有一年左右，在這一年間，她作出多方面嘗試，雖然路途崎嶇，但她克服重重困難後站得更穩，不但有份參演重頭劇《法網群英》，最近更主持《方草尋源V》及《香港亂噏》等節目。

Profile

姓　　名：筱靖

身　　高：168cm

體　　重：50kg

三　　圍：34C、24、34

出生日期：5月30日

專　　長：九型人格學、跆拳道、心理學、中史