前晚Angelababy出席I.T旗下的Zucca 09秋冬時裝騷，她表示每季只花數萬元置裝，因自小已是慳妹：「我好慳家，細個就唔捨得買衫，覺得好奢侈，依家當係投資。」她憶述初入行時的慘淡日子：「初出道冇收入好慘，家人每個月畀萬幾蚊我買衫。（還晒錢未？）我同屋企人冇計，但我個個月都有畀家用。」
至於其緋聞男友陳偉霆（William）昨日以沙灘Look出席活動，手持雪條的他笑說：「我唔會滴到周圍都係！」因大會派出多位女士參與，他笑說：「又Baby？今次係冰條Baby。（屋企係咩Baby？）Angelababy囉！」其後他餵三點式女Fans食雪條時，Fans主動翹實他施胸壓及獻吻，認真艷福無邊。
