06/08/2009

播放本新聞相關短片

蔣欣妍冧仔要緊拒做瘦骨仙

曾與趙世曾傳緋聞的蔣欣妍(Taiz),將全力進攻香港巿場,憑着樣靚身材正,加上毫不吝嗇身材,不但與騷胸的模有得撼,其標準的行天橋身材,更媲美香港名o靚模,相信必能在香港模界佔一席位!

蔣欣妍(Taiz)是一個幸運兒,從未想過以模特兒為職業,但十幾歲已擁有模特兒身材,身邊親友都鼓勵她做模特兒,還游說她參加比賽,Taiz說:「我以前只係兼職做模特兒,但係以平面廣告或影相多啲,從未行過天橋,之後就參加模特兒比賽,好幸運得到世界小姐中國站亞軍,亦好幸運之後喺機緣巧合下識咗香港呢邊嘅經理人,有機會喺香港發展,我希望可以喺香港有一番成績,我好鍾意香港,覺得啲人做嘢好認真、好有信用、又有效率,唯一唔好係地方太細,一出門口就係高樓大廈,好似被夾住咗咁,依家仲未習慣!」

身形夠Fit 信心爆棚

不少o靚模出寫真集均大受歡迎,全部以性感掛帥,Taiz推出的寫真集當然少不了性感,她十分滿意自己的身材,不吝嗇展現人前,她說:「女仔一定要對自己嘅身材有信心,我好滿意自己嘅身材,做模特兒唔一定要骨瘦如柴,豐滿健康最得男仔歡心,我問過身邊好多男性朋友,佢哋都話鍾意女仔肥一啲,有啲肉哋會好啲。」

最憎影相

每一個人都希望擁有自己的寫真集,留下美好一面,蔣欣妍亦不例外,能出寫真集當然開心,本以為身為模特兒的她,一定是喜歡拍照才入行,但原來她小時候十分抗拒影相,她說:「我細個同媽咪一樣唔鍾意影相,好多時啲人叫影相,我不停喊,吵鬧咗半日先影到,但依家覺得影相係一種享受,將每一個階段影落嚟,留番畀下一代睇,知道當時嘅我係點樣都幾好!」

Profile

姓 名:蔣欣妍

英文名:Taiz

年 齡:24歲

身 高:176cm

三 圍:34、24、35

獎 項:2008第58屆世界小姐北京大賽冠軍及中國站總決賽亞軍

廣 告:現代美容代言人

邊個港姐最靚?立即投票!
詳情瀏覽on.cc《香港小姐2009》

名人組