Angelababy（楊穎）配搭出色

好靚！係條裙個款靚，個藍色圖案夠顯眼又唔太搶，同埋佢頂草帽真係今年潮流至興嘅款，加埋啲飾物點綴真係Perfect。

何超蓮高腰累事

條工人褲太高腰，搞到好似冇咗條腰，其實佢身材好好，咁着好浪費，加上個手袋太成熟，唔襯佢年紀同打扮，個相機飾物亦都已經過時。

羅凱珊（Kama）平凡少女

好普通嘅青春少女Look，條皮帶好老土，好似師奶，唔應該戴啡色，換條白色、金色或者其他Sharp啲嘅顏色會Young好多。

周麗淇一貫造型

着得幾靚，冇咩唔好嘅地方，不過就冇乜新意，因為呢個打扮成日都可以喺佢身上見到。

傅穎（Theresa）翻Hit工人

佢條工人短裙好靚，而且係好耐冇見嘅款，遲啲應該會興番，但鞋款就太誇張，唔夾上身，換對普通高踭鞋效果反而好啲！