本文重點
近期o靚模是非多多，但她們一於少理，搵錢最實際！當中三位代表人物「E Cup Baby」劉欣宜（Miyoko）、鍾蕙芝（Lavina）與胡心諾（Rainbow）工作量激增，Miyoko與Rainbow更已賺到6位數字，認真誇張！
三位o靚模Miyoko、Lavina與Rainbow最近曝光率大增，吸引大批龍友及電車男追捧，有見及此，不少廣告商專找「平、靚、正」的o靚模出席活動及擔任代言人，令她們工作量激增，由年初至今，Miyoko與Rainbow已賺得6位數字收入，而4月才紅起的Lavina亦急起直追，收入直逼6位數字，十分厲害！
Rainbow減輕媽咪重擔
對於在短時間內賺得第一桶金，Miyoko說：「我覺得一定唔可以亂使，唔好覺啲錢好易搵！我會用啲錢嚟交學費，有多就儲起，留番第時買樓用！」仍住屋邨的Lavina則說：「搵多咗錢梗係開心，但我真係好辛苦咁賺番嚟，係血汗錢！可能我住屋邨，想屋企人生活好啲，所以會儲多啲錢買樓，等同屋企人生活好啲！」至於Rainbow則打算將收入分三份，一份儲起，一份給媽媽，另一份用作日常開支，她說：「其實以我嘅年紀，搵到咁多錢真係好開心，有好多人賺幾多就使幾多，但我想儲起啲錢同畀媽咪，分擔吓佢嘅負擔！」
