八模兵團成員之一A.Lin昨日出席活動時，吸引大批男Fans到場為她打氣，對於被公開與舊男友的「床照」，A.Lin直認不諱：「佢係好耐之前嘅男朋友，啲相全部都有着衫，係角度問題，我哋冇影過其他相！」至於有指她在網誌以粗口表示對母校的不滿，她則否認：「個Xanga係我嘅，但我已經兩年冇理到，我亦冇寫過咁嘅內容！」A.Lin又表示自己也沒有報道刊登的部分照片，問到是否被出賣時，她坦言不會懷疑任何人，但日後會小心處理。