身穿露背連身裙的o靚模周秀娜（Chrissie），前晚率領師妹A Lin.、DaDa及Hailey C.出席活動，對於戴夢夢指她不應樂做大眾的性幻想對象時？Chrissie反擊說：「我只係一個小女子，好難控制全世界人嘅諗法！好多謝佢哋鍾意我，佢哋點諗我答唔到！（夢夢話你博見報？）我唔係各大報館嘅主編，落邊個版位要問番佢哋，或者戴小姐可以打電話問吓佢哋！」她又強調男友沒有因她行性感而詐型，亦沒有因飽受抨擊而不快，更笑言要多謝她們幫忙宣傳。至於同場的Hailey C.亦力撐師姐：「一個男人打開報紙有幻想嘅唔止Chrissie，其他女藝人都有！（戥佢男友唔抵？）唔會！佢哋兩個好Sweet！」

「熟模」Jocelyn（右起）與楊崢咬耳仔，完全當A.Lin及周秀娜透明。	周秀娜表示男友不反對她性感。	DaDa（左）及Hailey C.齊齊力撐師姐。

楊崢拒評價表現

此外，Chrissie昨日出席旅行箱展覽活動，而原本答允出席的陳嘉容臨時缺席，改由楊崢頂上，Chrissie對此說：「我成日都着熱褲！（佢唔想同你哋啲o靚模同場？）o靚模只係一個稱號！」而陳嘉容事後解釋是大會要求她穿熱褲，但她覺得該項要求無理故婉拒。至於同場的楊崢雖然與一眾o靚模同場演出，但作為前輩的她拒絕評價o靚模的表現：「我唔係o靚模，所以唔係佢哋前輩！不過今次純粹拉住個篋行Show，又唔係High Fashion，佢哋應該應付到嘅！」

狂賺百萬加家用

另外，有傳Chrissie因父親生意失敗而賣肉養家，她則帶記者遊花園：「唔好抹煞我哥哥同兩個細佬嘅付出！總之我哋一齊擔起頭家！（父親欠債？）我唔想講屋企嘅嘢！總之佢哋依家生活得好開心！」她又坦言近日狂賺百萬港元，連帶給父母的家用也加碼。