04/08/2009

播放本新聞相關短片

爆炸堂:蓮妹捉人影相顯細心

陳玉蓮最近再度活躍娛樂圈,需要經常同啲記者傾偈。通常好多唔係咁熟佢嘅記者都會問佢拎番個聯絡電話,方便日後聯絡。原來蓮妹有個習慣,就係會問你拎番張卡片,然後叫記者拎住張卡片同佢影合照。點解咁做?原來佢係想確保同記者聯絡嗰陣,可以睇番啲相嚟諗番喺邊度見過個記者,同埋可以知道記者係咩樣,咁喺聯絡嗰陣時就唔會流於表面,可以傾得熟落啲咁話!

唔好以為蓮妹呢個方法好老土,小小So覺得佢不知幾潮。佢每次出席公開場合都會悉心打扮,造型一啲都唔比新一代女星遜色。佢對手袋仲好講究吓,有次小小So探朋友撞見佢,見佢拎住個時款嘅Chanel手袋,同佢當日嘅衣着明顯係襯過嘅,而且佢份人認真又講究,唔怪得再現幕前都保養得好好,同小小So細個睇佢做戲嗰時冇咩分別!

邊個港姐最靚?立即投票!
詳情瀏覽on.cc《香港小姐2009》