戴夢夢的聲勢一直比同門師妹趙碩之、尹蓁晞（Yumi）及陳若嵐（Melody）弱，亦從未推出寫真集。久未出碟的她近日終於推出新碟，更半裸拍封套，實行絕地反擊！雖然她昨日為出碟一事而淚灑動漫節舞台，更於台上台下連喊兩次，連師妹Yumi亦被其肺腑之言「感動」落淚，不讓夢夢專美。

夢夢（左）因能夠再度推出新碟而落淚，但師妹們反應不大。	碩之（左二）主動錫錫夢夢，為她打氣。	當Yumi及Melody（右）安慰夢夢時，碩之（左）竟在旁偷笑。

戴夢夢由童星出道至今入行已逾十年，惟一直星運平平，亦有一段長時間沒有推出唱片，近日老闆林建名終為她再次推出唱片，令她相當感動。昨日她與Yumi、趙碩之及Melody出席活動，夢夢在後台接受訪問時，提到出碟一事時已先喊一次，其後在台上細訴心聲再喊一次，令Yumi事後亦在後台偷喊，場面「感人」！

冇身材出寫真

夢夢接受訪問時眼泛淚光地表示，日前收看《超級巨聲》時，發現於01年與她一同參加新秀的朋友仍在參加比賽，故為友人對歌唱的堅持感動，說畢她即伏在Melody身上哭泣。問到是否覺得公司撥給她的資源不足，她馬上否認，再問為何不效法師妹出寫真集挽聲勢？她說：「我身材唔夠好！」

此外，對於何超儀爆粗抨擊o靚模，Yumi力斥其說法：「我覺得佢咁講唔啱！o靚模唔一定係做唔好嘅嘢！其實只係一部分人係咁，唔係全部人都係咁！」