昨日，阿Sa現身動漫節試玩全球首部「可口可樂神奇凝冰」汽水機，吸引不少歌迷及動漫迷圍觀，場面熱鬧。對於近期o靚模走勢強勁，問她有否留意，阿Sa說：「你哋日日都登，好難留意唔到喎！（學周秀娜推出人形攬枕？）我老啦！今年都26歲，出呢啲要25歲以下，我過咗呢個界別啦！（人形攬枕教壞細路？）要睇佢哋點包裝件事，我就冇諗過出呢啲產品，亦冇聽過身邊朋友有買！」

放大圖片	阿Sa力撐好姊妹阿嬌出碟，更希望盡快與阿嬌團聚出碟。 資料圖片	阿Sa與鄭中基的緋聞傳足多年，但她卻表示不心急嫁人。 資料圖片

阿Sa更規勸o靚模要自我增值，她說：「其實佢哋都係工作，好同唔好嘅風氣，都係視乎佢哋要做好自己先。要識得不斷增值，唔好長期食呢樣嘢，同做死一樣先得！」自言17、8歲入行的阿Sa，認為在娛樂圈工作不能太短視，要以長線來看，她透露入行十年，不停唱歌、拍戲及睇書自我增值。

唔急結婚　撐嬌出碟

提到有傳緋聞男友鄭中基（Ronald）父親向其父提親，阿Sa沒好氣地說：「佢哋係有生意來往，啲傳聞費事理！講咗十萬九千次，我30幾歲後先會考慮結婚。（男友年紀唔細等唔切？）等吓先！我唔急！（人哋急嘛？）我大把時間！」對於有指鍾欣桐（阿嬌）「單飛」出碟，她表示阿嬌是以其個人名義出碟，而她亦籌備第二張唱片，她強調Twins並非拆夥，亦希望不久將來可與阿嬌一齊出碟。提到日前電影公司洩露阿嬌正在拍戲，阿Sa似有難言之隱，點頭示意不能多說。