昨日Kay為《吶喊演唱會DVD》舉行簽唱會，吸引不少Fans舉牌撐場，三層商場擠滿圍觀市民，場面墟冚。但「升呢」做了天后的Kay現場演唱新歌時失準，甩嘴兼忘記歌詞，她即時在台上道歉：「唔好意思！」幸得Fans支持，令她放下心頭大石。

事後Kay解釋失準全因音響問題：「頭先完全聽唔到音樂，音響好嘈，所以甩咗。」而她在現場畫了一幅彩虹畫，並說：「所有打擊、唔開心、低潮、沮喪都會雨過天青，彩虹出現。」問到是否因最近的負面新聞而有感而發？她說：「唔關事，只係寫過首歌講寵物死咗之後去彩虹橋。」

廣州騷另請嘉賓

此外，Kay將於月中到廣州舉行巡迴演唱會，問到會否再請傳緋聞的陳奕迅做嘉賓，她說：「佢唔得閒，佢好忙，上次做完之後冇見面，好難夾時間，今次準備咗一個嘉賓，但唔講得住。」似乎有意冷卻與陳奕迅的緋聞，免愈炒愈烈。