昨日HotCha身穿背心熱褲出席《3×39℃寫真集簽名會》，載歌載舞，又與歌迷在巨型吹氣水池內玩遊戲，吸引不少歌迷及市民圍觀。對於周秀娜的攬枕掀搶購熱潮，HotCha說：「正呀！我哋都想買，不過唔會推出，佢身材好靚，但我哋冇身材、冇美感！」

成員Winkie說：「睇到寫真裏面嘅自己都唔開胃，應有嘅又粗，應冇嘅又有！（倒米？）唔係，其他相好靚，只係泳裝相普通感覺啫！我哋啲妝同衫都好靚！」三女更自言沒有天賦身材。至於有讀者指性感攬枕教壞細路，她們說：「小朋友有家長教，呢啲唔係我哋可以控制到！」

冇帶水着唔怕走光

而HotCha與歌迷坐小艇玩遊戲期間，由於小艇入水及不斷被水濺中，三人下半身均濕透，並說：「我哋以為唔使濕身，所以冇帶泳衣，不過做足防走光措施，而且冇撞到唔方便嘅日子，唔係就變成『血海』！」