自發生被胸襲事件，鄭融出入活動經常雙手護胸，前晚她出席開幕活動時因遭身體碰撞而黑面！據現場消息人士透露，鄭融接受電視台訪問後，被攝影師的攝錄機撞到胸部，又有傳是被人撞到胸！昨日鄭融擔任動漫節表演嘉賓，她承認發生碰撞事件：「畀佢手㬹撞到我手臂，我第一個反應係好嬲，佢又冇同我講Sorry。（好激氣？）我都試過撞到人，大家做嘢，我好明白，唔想再化大件事，碰撞嘅嘢成日都有。」她表示現場環境擠迫，被撞到自然反應會嬲，問到是否對身體碰撞很敏感？鄭融說：「就算冇之前嗰件事，對女仔嚟講有任何身體碰撞都會敏感。」
提到前晚活動上莊思敏認同o靚模過於性感而發生近期的非禮事件，鄭融說：「唔可以單係咁表面一句說話就話係歪風，大家都有責任，自己要識得保護自己，係要社會教育，啲卡通漫畫公仔都好性感，對小朋友會有影響，最重要係教育，先係治本方法。」
