祖狄的發言人前日宣布：「祖狄羅可以確認，佢因為上年嘅一段情，畀人通知會喺今年秋季做老竇。羅先生同嗰個人再冇關係，不過佢希望全力支持孩子嘅生活，呢個完全係一件私事，佢唔會再有其他聲明。」有傳媒猜測神秘女子會否是祖狄前緋聞女友金美倫戴雅絲，不過觀乎她日前出席Comic-Con動漫節活動時腹部扁平，可信程度甚低！

聖誕節種禍根

另外，有知情人士聲稱：「祖狄同神秘女子喺上年聖誕時有過一手，當時祖狄正喺紐約拍緊新片《福爾摩斯》，兩個人都只係玩玩吓，唔係認真！祖狄一直唔知個女人大咗肚，直到之前個女人打電話話佢聽已經大咗肚7個月先知，祖狄嚇咗一大跳。祖狄係個注重屋企嘅人，佢唔希望細路喺咁嘅情況出世，但佢想體面咁處理呢件事。」

據知，祖狄大前日到倫敦已向前妻莎迪霍絲與三名孩子交代事件。而祖狄的《福》片拍檔羅拔唐尼受訪時說：「我同祖狄第一次見面時，已經擦出火花！我哋即刻研究點樣做好角色，合作好愉快。」