為求與時並進,成龍一直都不斷進修,他說:「滿師之後我自己都有繼續學習,學過拳擊、合氣道、跆拳道、空手道、詠春等。因為單靠京劇只係對做古裝戲有幫助,好似十幾年前我搵咗一隊上海武術隊去美國拍戲,佢哋喺零下幾度之下扮印第安人,不過打功夫做戲嘅時候,啲拳腳完全係古代中國人,唔係印第安人,所以一定要將學到嘅嘢融會貫通先得。」他又慶幸中國戲劇學院並非單一戲劇學校,北派南派功夫均有教授,可說是集百家之大成:「我哋學校唔止教京劇,就連英文都有得教,所以對我哋嘅發展好有幫助。」
京劇難覓知音
于師傅畢身奉獻京劇,身為契仔的成龍理應有責任為師傅完成未完的任務,不過數十年後的今天,京劇在港的普及已大不如前,要令京劇重現光芒談何容易,成龍也坦言左思右想後不無慨嘆:「坦白講,抱負真係冇乜,時代已經變咗,香港已經冇人睇,喺大陸都只有四、五十歲嘅人先睇,年輕一輩亦唔會去學京劇,因為真係太辛苦,況且學完出嚟都冇出路。」
京劇雖已乏知音,但成龍認為這是時代變遷的結果:「我覺得乜都要變嘅,唔可以幾十年都一樣,以前嘅人睇京劇係因為冇乜娛樂,依家咁多消遣,仲邊有人睇?因為京劇節奏真係太慢,唱一句『你好嗎』都唱成十五分鐘,由後台行出台中間都要成半個鐘,依家啲人邊有心機睇吖!就算我細個嗰時,我都鍾意睇樣板戲啦!貪節奏快嘛!」
延續師傅精神
成龍為讓七小福的精神流芳百世,早年已成立成家班培育人才,他說:「我個成家班都訓練咗過百人,其實唔只我一個,仲有洪家班,同埋元輝都開咗間京劇學校。」談到這裏,成龍不禁流露一腔熱誠,也希望可在內地繼續發展京劇,將七小福精神之火燃燒下去,延續于師傅畢生的心血。
正所謂一命二運,尤其在電影圈更是「唔到你唔信」。有的可以紅足幾十年仍是扶搖直上,有的難敵影圈巨輪吞噬,卻又相隔超過二十年始逢第二春,至此能不相信何謂時也命也!
所說的一個是成龍,哪另一個又是誰……有此際遇的乃元秋
是也!