獲Beyond葉世榮邀請加入其公司的樂隊Ever，組Band已9年，主音及鼓手Ka Ho（何家豪）表示最難忘的是去年參加紀念黃家駒音樂會：「其實好開心可以同世榮一齊喺音樂會度唱Beyond嘅《光輝歲月》，因為我組Band係受家駒影響，所以嗰次真係好難忘同好感動，仲喊咗出嚟添！」Ever即將推出新專輯，而主打歌《必經之路》更邀得日本殿堂級樂隊Luna Sea結他手INORAN合作，結他手阿韜（李恒韜）說：「好開心可以同INORAN合作，去日本參觀佢哋嘅Studio嘅時候真係大開眼界！今次嘅專輯係想話畀人聽開心有好多種，貫徹Ever一向想將快樂帶畀樂迷嘅理念！」