李心潔、Charlie、GiGi及許茹芸一年前開始籌備推出《小黃花》兒童故事書，她們坦言能夠「齊腳」接受訪問實屬難得，雖然是宣傳工作，但她們仍樂得自在，在訪問期間爭取機會歡聚一番。她們又表示Charlie是這個「姊妹淘」的紅娘，由初相識到成為知心好友，四位都會毫無保留地傾心事，Charlie說：「我哋都會傾心底話，包括感情事，不過要講就會自然講，唔會主動問！」

梁詠琪、許茹芸、李心潔及楊采妮「四個女人一個墟」，雞啄唔斷！	梁詠琪及許茹芸均是「夜貓」一族。	放大圖片

深夜談心 冇覺好瞓

雖然相隔異地，但她們仍能維繫友誼，心潔說：「其實我哋成日做嘢都要周圍飛，為咗爭取時間同呢班姊妹見面，有時會借佢哋屋企住吓！不過有次我去茹芸屋企住，點知玩足三日三夜冇瞓覺，返到台灣搞到盲腸炎！」而Charlie則埋怨GiGi是「夜貓」，經常在深夜與她談心，GiGi笑說：「咩呀？我同許茹芸都鍾意夜瞓，將來我哋四個一齊去旅行，你同心潔一間房，早啲休息啦！哈哈！」