以創作歌手在樂壇大展拳腳的余翠芝（Chita），在新專輯《MAKE A LOVE SONG》中包辦全部作品的作曲、填詞和演唱部分。她透露入行前曾擔任幕後製作人，以及為其他歌手作曲，最終在機緣巧合下獲bma老闆羅傑承賞識，並被羅致旗下：「我細細個已經想推出自己嘅專輯，公司畀好大自由度我去創作，好多謝公司同老闆完成我嘅夢想！」
她承認創作歌手的身份未必如偶像歌手般容易被大眾受落，但她仍堅持以實力令大家認識：「我唔覺得要分開係咩類型歌手，偶像歌手用靚樣去吸納歌迷，呢啲都係佢哋嘅天賦本錢，唔可以忽略！不過創作歌手可用多啲嘅時間，用作品去吸納歌迷，而且娛樂圈需要不同類型嘅歌手！」
此外，Chita甫出道便被指貌似師姐關心妍，她笑言不介意被稱「翻版關心妍」：「總算可以有個途徑令人去認識你吖！」