對於o靚模露肉成風，黃翠如直斥有人以健康性感作幌子，硬銷肉感：「我覺得自己贏硬，嫩模多即係分薄咗個巿場，其實大家都唔需要去買佢哋嘅寫真，日日報紙雜誌都有！我都有家姐同細妹，真係接受唔到呢啲露肉風氣，覺得好心痛！佢哋成日講健康性感，但到底咩叫健康性感佢哋又識唔識分呢？」
黃翠如去年告別主播生涯，正式成為藝人，當中有苦有樂：「第一係多咗時間，好似早前可以一家七口去歐洲旅行，真係好難得！至於收入就變得唔穩定，可能係一個月多，但另一個月就少咗！」
對於陳貝兒離開有線，黃翠如大有機會接棒成為一姐，她笑說：「全行有咁多公司，就算真係做到一姐都只不過係虛名！」
