李炳憲、絲安娜美娜、Channing Tatum、Rachel Nichols、Marlon Wayans、導演史提芬森馬斯與監製Lorenzo di Bonaventura等現身記者會，眾人接受訪問時妙語如珠，氣氛輕鬆。遲到的李炳憲，是當中最星味十足，雖有翻譯員在旁，但李炳憲主動要求說英文，免得浪費時間。李炳憲以流利英語說：「我接呢個角色之前，其實花咗唔少時間考慮，因為電影係由卡通改編，我之前未試過！初初拍攝時因為有文化差異，有啲辛苦，但導演史提芬好好人，我好快適應！」其後李炳憲幽默地說：「但佢唔係同性戀嘅！」他又指與Marlon拍片後變成好友，Marlon插嘴說：「我都唔係同性戀！」李炳憲嫌片中騷肌肉的鏡頭不夠多，導演搞笑說：「放心，我會將剪咗嘅鏡頭放喺DVD！」李炳憲又笑言最不滿意的地方是全套電影只能穿白色衫。

絲安娜首次接拍商業動作片，擺甫士似模似樣。

導演史提芬（左起）、Rachel、Marlon及李炳憲，齊齊出席日本記者會。

導演最愛微型機械人

《義》片中出現多種高科技武器，導演史提芬被問到哪種是其最愛時，他說：「我最鍾意微型機械人，因為佢哋原意係用嚟治療癌症！」他又透露曾有人提議讓成龍飾演李炳憲的角色，但他說：「李炳憲雙眼好有嘢，可以同國際觀眾接軌。」其後又搞笑地小聲說：「李炳憲為呢套片受過唔少訓練，我認為佢依家可以打贏成龍！」至於監製Lorenzo表示《義》片是否有續集，還要看Fans反應。