姜紫藍（Color）曾參演多套電影，演出經驗豐富，身為模特兒的她，很享受拍戲的樂趣，早前與陳奕迅（Eason）及黃秋生更合作得非常愉快：「Eason好Nice、好搞笑，有次我哋影相，佢做咗個雙目斜視嘅表情，兩隻手向同一個方向打斜咁手指指，仲叫我一齊擺呢個甫士，我唔做，見到都笑死！至於秋生貴為影帝，但一啲架子都冇，亦冇嫌我未夠班，佢同我傾咗好多喺呢行嘅經歷。」

放大圖片	Color身材嬌小，卻擁有33D上圍，潛質無限。	Color早前自爆有模特兒公司老闆邀她到酒店有所企圖，敢言性格表露無遺！其實她向來敢作敢為，在海灘戲水、曬太陽時竟三度解帶，無懼走光亦不怕尷尬，事後還表示沒有露點便冇問題，堪稱新一代烈女！

拒走捷徑

她還大讚導演王晶對演員很好：「依家咁嘅市道，晶哥仲畀到咁滿意嘅片酬我哋，真係好好！佢仲會喺片場萬歲，請大家食甜品，一個甜品要廿幾三十蚊，咁多人喎！真係好闊綽！」Color坦言很喜歡演戲，希望將來有更多演出機會：「我鍾意做模特兒嘅工作，但最想係做一個真正嘅演員，拍多啲戲。」

曾踢爆模界黑幕的她，深明要在圈中走紅，只靠工作上的努力未必足夠，有些人會走捷徑，但她自知不是那種人：「過唔到自己嗰關，有啲嘢真係接受唔到、做唔出！我唔會同人比較，咁樣會令自己唔開心，我覺得盡咗力去完成每一個工作就夠。」

Profile

姓　　名：姜紫藍

三　　圍：33D、24、34

身　　高：162cm

嗜　　好：演戲、看電影、跳舞、寫作、彈琴、繪畫、按摩。

演出經驗：08年參選亞洲小姐、拍攝《性本善》、《火蝴蝶》、《絕代双嬌》、《內衣少女》、《我不賣身　我賣子宮》

、《情意拳拳》等。