日前遭狂迷胸襲的鄭融，前晚與薛凱琪錄影《勁歌金曲》時全程笑容滿面，心情明顯已平復。同場的譚詠麟（阿倫）則自爆曾遭女Fans抽水：「畀人海底撈……梗係有還手啦！」他拍照時又頻頻翹手護胸：「呢啲係防狼術入門，警察仲有新科技係臨出場前抹啲粉喺身，色狼一摸咪好似打手印咁囉！變咗人肉星光大道！」
此外，鄭融表示入行五年來最難忘被公司雪藏，幸好有一班圈中好朋友，如張敬軒及薛凱琪等支持。
同場的方力申被問到Juno溝女模傳聞時馬上起弶：「做咩要問我？」再問到阿嬌有否偷看他的SMS，他說：「佢做咩要偷睇？」他又力撐鄧麗欣雖然會考中文只得一分，但仍算合格：「政府都鼓勵人求學不是求分數啦！公司同校對都有責任。我係文盲都可以出書！分數同出書根本冇關係！」問到會否鼓勵鄧麗欣進修，他說：「我都要進修吓講嘢！」