陳偉霆（William）前晚與狄易達在拉闊舞台鬥舞，吸引英皇老闆楊受成夫婦、陳百祥夫婦、詩雅及賈曉晨等捧場，Angelababy亦不避嫌舉牌及Fing螢光棒為緋聞男友William打氣！

放大圖片	William跳到落台，令歌迷High爆！

William在音樂會上再度扮偶像米高積遜摸下體，更被女舞蹈員扯爆衫騷肌肉，而達仔則出動舞獅與煙火舞鞋大玩熱門廣告，至於同樣跳得的張致恒、鍾舒漫、EO2成員Otto與Osman、HotCha成員Crystal及鄧穎芝等亦以舞會友。

William與狄易達以高難度動作「互片」！	狄易達	放大圖片

對於歌迷接受Baby，William大讚歌迷乖，問到Baby是否免費加入歌迷會，他說：「會員費都要畀嘅，支持吓！」對於被指望着Baby冧唱《對你愛不完》，他揚言不知對方坐在哪裏，問到出賣「色相」會否令Baby呷醋，他信心十足地說：「唔怕，個女仔撕爛我件衫，又唔係我撕爛佢件衫！」

狄易達喊唔停

至於多次流下男兒淚的達仔，未有騷胸演出，他笑說：「佢要吸引Baby嘛！我賣藝。（William賣色？）佢賣得起，我太瘦，過幾年先搵Baby！」