昨日E Cup Baby劉欣宜、胡心諾（Rainbow）、勞詠君（Tina）、Lavina及周凱盈（Monique）為《夏之盛放》電子寫真慈善版宣傳，有男粉絲以一千元買下五本支持，五人即送上飛吻。
以美少女戰士打扮的Rainbow透露今日會背心熱褲踩落動漫節，為慈善寫真義賣：「冇收酬勞㗎！（擔唔擔心畀人施襲？）公司同大會有足夠保安。（叫經理人睇住？）佢個個都會睇，我識保護自己。」說罷即作交叉手護胸狀，問她要是被非禮下身怎辦？她說：「我諗唔會咁猖狂啩？如果發現有可疑會用手擋。」對於周秀娜推出性感咕
，她即寸嘴說：「我哋本寫真賣得七七八八，加印都係為慈善，唔需要呢啲宣傳。（覺得意識不良？）唔係咁好，我哋Sell健康性感。（覺得引人遐想或者有色情成分？）人哋有唔同嘅宣傳方法。」