早前避戰書展的Lavina原定於參選Image Girl全力出擊，不料昨日突然退選，有傳因她覺得趙碩之、戴夢夢及陳若嵐（Melody）三位評判與自己同「呢」。起初Lavina只說每人於活動有不同崗位，不應分級數，但愈說愈激動，語帶雙關暗寸：「佢哋（評判）係前輩吖嘛！佢哋今年做評判，下年我都可以。（覺得評判冇公信力？）冇意見，我退選係公司安排，因為合約問題。」

Lavina經理人Admond亦說她退選原因是因合約問題，並透露會派出另一模特兒Leanna代替參選。但他亦質疑趙碩之等人的評判資格：「個人認為唔合適，因為評判同Lavina同級數甚至更差，好有問題。」

而與Lavina同門的Rainbow昨傍晚現身會展做準備，但不清楚Lavina是否不滿評判而退選：「我知佢好想參選，贏咗有一萬蚊喎！」

對於趙碩之等人被質疑評判資格，其經理人Angus聞言力斥Lavina：「佢係代表參展商參選，唔係代表我哋，有嘢佢應該同參展商交代。我都有個疑問，點解佢要到依家做晒宣傳，攞晒曝光率先嚟退選？」

質疑有人博見報

趙碩之亦扯火反擊：「冇人同佢同Grade，尤其係戴夢夢，佢係大師姐又係歌手，佢最多可以同Melody一齊叫新人。我問過參展商，根本係佢有合約問題，係佢冇資格參選，唔係我哋冇資格做評判。佢公司講嘅嘢冇需要聽，大會安排得我哋做評判，觀眾都會知邊個有資格！」她又質疑Lavina退選的程序：「好耐之前已經公布我哋做評判，唔滿意可以一早退選，到依家宣傳晒先退選，都唔知佢玩乜！」戴夢夢回應時亦與趙碩之口徑一致，趙更明言不會因此改變評審標準：「其實啱啱公司通知我佢退選，我先知佢有份，因為之前記者會太多人，根本見唔到佢！」