尹蓁晞（Yumi）及李曼筠（動漫Maggie）昨日以低胸短裙及三吋高踭鞋，出席《apm國際級馬戲首度訪港獻技》活動，被特技團邀請試玩蓮步舞，兩人勉為其難玩完，特技團又要求她們用Pat Pat扭呼啦圈，嚇得她們當場拒絕。事後Yumi尷尬地說：「或者等我返屋企練到再表演，今日有少少發燒，驚係豬流感，但應該冇事，會照常出動漫節。（贊成周秀娜出咕(口臣)？）佢幾體貼，攬住瞓OK！但我唔會出，攬住都唔知會做乜，有啲擔心！」
動漫Maggie則說：「由細到大都唔識玩呼啦圈，唔會試用Pat Pat轉。（嫩模同你爭飯食？）有人請我出動漫節，但撞時間，我情願去寵物展，但動漫節唔係搵飯食嘅地方。（贊成周秀娜出咕
？）日本一早有。（嗰啲AV女優嚟！）咪一樣係女人，白韻琴話咕等如吹氣公仔，吹氣公仔醜樣啲喎！我唔排除會出攬枕，但暫時就未有諗過。」
