31/07/2009

播放本新聞相關短片

周秀娜今殺入動漫裸你命

經過書展一役後,周秀娜(Chrissie)為求在今日開幕的動漫節爭贏一姐寶座,瞓身搏盡,今日更現身動漫節宣傳。為谷人氣出三招宣傳的她,除自製香艷咕及到動漫會場踩場造勢外,更為代言的豐胸纖體公司拍攝廣告,她穿比堅尼甘冒走光之險,趴地和戲水等絕招樣樣做齊。Chrissie的魅力引來蜜蜂錫暈,難怪經理人公司要為其巨胸買重保險!她的廣告於下周六播出,在動漫節結束後再下一城宣傳。

索模Chrissie當街剝衫換比堅尼的豐胸纖體廣告片段成為佳話,連扮嘢天王盧海鵬亦演繹搞笑版本,話題性可想而知。由於第一輯廣告反應熱烈,廣告商詩琳遂以重金吸引Chrissie續約再任代言人。雖然她不用再在中環鬧市當街剝衫,但為了令全新的三點式廣告聲勢不輸第一輯,Chrissie甘冒炎熱天氣到海灘拍攝廣告,即使暴曬十多個小時亦毫無怨言。而對她寵愛有加的廣告商,更揼本安排多名肌肉男為Chrissie充當臨記,其中一名擁有44吋巨胸型男,便是前香港先生陳冠標。

老闆甘願拎反光板

向來拚搏的Chrissie,拍攝新廣告時絕無欺場,除使出趴地晒胸絕技外,還應廣告商要求狂Fing絲巾及濕身扮出水芙容,配合扭動蛇腰及勝利女神甫士,極盡視覺誘惑。但因她過分投入,連比堅尼泳褲鬆掉出現疑似走光亦懵然不知!除廣告商老闆甘願「紆尊降貴」為Chrissie拿反光板外;連蜜蜂亦對她大感興趣,除圍着香汗淋漓的她轉圈外,更一度撲向Chrissie的32D巨咪猴擒錫「暈」!令她嚇至花容失色,即以雙手護胸兼左閃右避。

據知Chrissie這次如此瞓身,全因廣告商續約酬勞「三級跳」,而經理人公司眼見她的雙峰如此值錢,亦暗地裏為其胸部買下高達千萬的保險。對於有關傳聞,Chrissie經理人公司不置可否,只笑說:「投保嗰樣嘢遲啲會有詳情公布,至於酬勞就梗係冇三級跳啦!依家個市咁樣,總之一定有加,加幾多就唔方便透露。」

至於Chrissie亦笑言拍攝這個廣告令她「財色」兼收:「呢個廣告令我美色方面增值好多!為咗拍出嚟嘅效果更靚,我之前專登密集式做咗幾個月豐胸同埋收身療程,所以依家嘅身形連我都覺得無懈可擊,希望個廣告下個禮拜六出街嘅時候,會好似第一輯反應咁好啦!」

半裸照外洩感無奈

此外,對於被指用來印製性感Tee的絕密半裸照片外洩,Chrissie經理人公司無奈地說:「係有工作人員唔小心將啲檔案電郵畀咗傳媒,搞到啲唔應該見街嘅相見咗街,先搞出咁大件事。但我可以保證張相絕對冇走光,因為我哋喺做足安全措施嘅情況下影呢輯相,所以成單嘢真係娛樂新聞一則,而擺烏龍嘅工作人員亦都即時同我哋道咗歉。」

第一手消息請瀏覽on.cc《即時新聞》

邊個港姐最靚?立即投票!
詳情瀏覽on.cc《香港小姐2009》

專案組