小小So平日最愛睇書，早排就當然有到書展行吓啦！嗰日就咁啱撞正「A貨Baby」Annie G.，見佢喺書檔四圍騰，又好似驚死畀人撞到咁，就忍唔住上前同佢吹咗兩句水，問佢做咩嚟書展都咁鬼祟啦！
小小So：做咩咁好行書展呀？
Annie G.：得閒都想嚟書展，都想睇吓自己本寫真賣唔賣得。
小小So：咁你唔怕畀啲Fans認出咩？造成混亂就唔好啦！
Annie G.：Fans我就唔驚，我反而怕見到「實Q」！
小小So：吓？
Annie G.：係呀！我經理人叫我千祈唔好畀啲「實Q」見到，唔係會趕我走之餘，仲Warn（警告）我違規就唔好啦！
小小So：咁你有咩計呀？
Annie G.：咪匿喺個「菇」度囉……
此時，小小So就見Annie G.靜雞雞咁入番書檔旁一個菇形嘅精品小店度……邊個話模係去書展搶風頭㗎？