昨日Kama以新娘子打扮出席Nail Salon新店開幕，令人眼前一亮，對於早前鄭融被胸襲，Kama表示從未被非禮，但平日穿短裙乘坐交通工具時，會將手袋放身後，以防被人偷影裙底，出入人多地方時亦會雙手護胸，她說：「有時搭地鐵人逼好唔開心，着短裙時仲驚被人拍裙底，所以我一定手袋放後面遮住！」問到若被非禮，會否像鄭融般勇敢報警？她說：「我會驚！一定會叫囉！當然唔好着得太性感，非禮念頭都會少啲！（學防狼術？）將來會學吓！」對於動漫節明日開始，她坦言沒有興趣參與嫩模戰。

Kama即場獲工作人員修甲。	司儀王殷廷性感搶鏡。	Race不忘宣傳新出的寫真集。

Race瞓覺熱到除衫

另外，Race笑言曾與四葉草成員到塞班島開工，當時一班女仔只穿內衣玩：「我着住一件頭有鈕內衣，點知畀佢哋笑！」問到會否裸睡？她笑言現在一個人住，穿甚麼睡覺都可以：「我開好大冷氣瞓，但唔知點解半夜都會瞓到出汗，我仲不自覺咁除埋衫添！」提到被拍得與緋聞男友見家長時，她表示父母剛來港，故有時間相約食飯，她說：「我所有朋友都會帶畀我屋企人見，如果佢哋覺得唔好會出聲，而我過時過節都會同佢屋企人食飯，因為家姐成日唔喺香港。」