鄧麗欣新作《陪著我走》被網友圍攻錯字百出，所屬的唱片公司金牌大風為補鑊，不惜工本重印正字版予歌迷，當事人Stephy亦已三度致歉，但日前她再被揭會考中文科只得1分，才女形象插水！昨日正在澳門拍戲的Stephy接受電台節目訪問，強調「才女」只是外界加諸於她身上，她說：「係大家『安』畀我，由頭到尾都只係鍾意創作同填詞，呢啲係我興趣，我冇認過係才女。（心情點？）冇咩嘢。之前已經道咗歉，我都覺得唔好意思！」她指事件不會令她對創作卻步，反而激勵她寫更多力求進步：「創作係情感抒發同興趣，最緊要我仲有熱情創作心！（歌迷點？）佢哋覺得本書好真，明白係Stephy好用心創作嘅故事！」

Stephy指Fans的支持是其動力。 資料圖片

Kary力撐好友對創作充滿熱誠。

Kary或出英文書

吳雨霏（Kary）前晚出席活動時亦幫口撐好友，認為Stephy對創作充滿熱誠，但不回應好友被指會考中文科只得1分，Kary說：「我冇睇過唔回應，佢唔喺香港，唔知佢有冇唔開心，不過有啲報道明顯針對佢！」她坦言因讀國際學校，中文程度亦不好，相反英文及法文較佳，她又自爆有出版商找她出英文教學書：「仲諗緊，不過電腦有英文校對程式，應該唔會鬧笑話。」